Hokkeı: Olımpıada aldyndaǵy irikteý týrnıri matchyna bıletter satyla bastady
NUR-SULTAN. QazAqparat – Olımpıada aldyndaǵy irikteý týrnıri matchyna bıletter satyla bastady. Onyń aıasynda Qazaqstan ulttyq quramasy Beıjińde ótetin Qysqy Olımpıada-2022 irikteýine qatysa alady, dep habarlaıdy QazAqparat Qazaqstan hokkeı federatsııasyna silteme jasap.
Eske salaıyq, úshinshi irikteý kezeńinde «N» tobynda Qazaqstan, Ýkraına, Polsha jáne Nıderlandy oınaıdy. Olımpıada aldyndaǵy irikteý matchy 6-9 aqpanda «Barys Arenada» ótedi. Іrikteý týrnıriniń barlyq oıynyn QAZSPORT telearnasy kórsetedi. Bıletterdi Ticketon.kz jáne Zakazbiletov.kz onlaın-servısterinen alýǵa bolady.
Match kestesi (Nur-Sultan qalasyndaǵy match ýaqyty)
6 aqpan, beısenbi
15:00 Polsha – Nıderlandy (tiketon.kz, zakazbiletov.kz)
19:30 Ýkraına – Qazaqstan (tiketon.kz, zakazbiletov.kz)
7 aqpan, juma
15:00 Polsha – Ýkraına (tiketon.kz, zakazbiletov.kz)
19:30 Qazaqstan – Nıderlandy (tiketon.kz, zakazbiletov.kz) 8
8 aqpan, senbi
Demalys kúni
9 aqpan, jeksenbi
13:00 Nıderlandy – Ýkraına (tiketon.kz, zakazbiletov.kz)
17:00 Qazaqstan – Polsha (tiketon.kz, zakazbiletov.kz)
Qazaqstan quramasynyń qatysýymen ótetin matchtarǵa bıletter quny 500-3500 teńge bolsa, basqa komandalardyń matchyna 500-950 teńge.
Aıta keteıik, top jeńimpazy qorytyndy irikteýde – tórtinshi irikteý kezeńinde oaınaıdy. Onda qysqy Beıjiń Olımpıada oıyndary-2022-ge lıtsenzııa oınatylady.
