HOKKEI NAǴYZ ERLERDІŃ OIYNY: «Barystyń» kishkentaı oıynshylary - FOTOREPORTAJ
ASTANA. QazAqparat - «Barys» hokkeı klýby jas Astananyń sımvolyna aınalǵany qashan. Búginde «Barys» - myńdaǵan jankúıerlerdiń komandasy ǵana emes, barsha Qazaqstannyń maqtanyshy, betke ustary.
Astana turǵyndary ıyǵyna ózinen úlken sporttyq sómkeni ilip, ekinshi qolyna hokkeı taıaǵyn alyp, «Qazaqstan» sport keshenine bara jatqan jap-jas jetkinshekterge kózin úıretkeni ras. Sondaı sátterde balaqaılarǵa kómekteskiń keletini de anyq, biraq onyń kózindegi janyp turǵan otyn kórgende, boıynda senimdilik pen óz maqsattaryna degen bekemdiligin sezgende olarǵa kómektiń qajetsizdigin túsinesiń. Árıne, bul bireýine ermek bolýy múmkin, al basqaǵa - ómiriniń máni, bolashaq armanyna jetýdiń bastapqy qadamdary.
«QazAqparat» halyqaralyq aqparattyq agenttigi jas «Barys» oıynshylarynyń jattyǵýynan fotoreportaj usynady. Sýrettegi kishkentaı hokkeıshilerdiń esimderin jadyńyzǵa saqtap qoıyńyz, kim biledi, bolashaqta olardan Jaılaýovtar men Antropovtar shyǵýy ábden múmkin.
