HOKKEI: Máskeýdiń «Dınamosy» «Barysty» súrindirdi
ASTANA. QazAqparat - Búgin «Barys» máskeýlik «Dınamodan» az ǵana esep aıyrmashylyǵymen utyldy, dep habarlady astanalyq klýbtyń resmı saıty.
Alǵashqy kezeńde eki komanda da jeńiske degen qulshynys tanytty. Eki jaq ta oıyn tártibin buzbaýǵa tyrysty. Sodan da bolar, alǵashqy jıyrma mınýtta «Barys» pen «Dınamodan» bir-birden ǵana oıynshy alańnan shyǵaryldy. Hokkeıshiler alma-kezek shabýyldap-aq baqty. Birneshe ret qonaqtar qaqpasy aldynda qaýipti sátter de týyndady. Biraq barystyqtar esh nátıje shyǵara alǵan joq.
Ekinshi jáne úshinshi kezeńderde de astanalyqtardyń soqqan shaıbalary nysanaǵa jetpeı jatty. Al qonaqtar qaqpa aldyndaǵy qarbalas sátterdi múlt jibermedi.
Oıyn máskeýlikterdiń jeńisimen aıaqtaldy.
«Barys» - «Dınamo» Máskeý - 1:2 - (0:0; 1:2; 0:0) 21:07 - 0:1 - Martınsh Karsýms 22:48 - 0:2 - Kaspars Daýgavınsh (Gorovıkov, Pestýshko) 31:20 - 1:2 - Konstantın Pýshkarev (Tserenok, Ýpper) Qaqpashylar: Latso - Eremenko
