Hokkeı: QR Prezıdenti kýbogyn «Barys» pen «ıÝgra» sarapqa salady
ASTANA. 13 tamyz. QazAqparat - Búgin shaıbaly hokkeıden Qazaqstan Respýblıkasy Prezıdentiniń kýbogy úshin halyqaralyq týrnırdiń fınaldyq oıyndary ótedi. Bul joly N.Nazarbaevtyń kýbogyn astanalyq «Barys» hokkeı klýby men reseılik «ıÝgra» (Hanty-Mansıısk) komandasy sarapqa salady.
Aıta keteıik, keshe «Barystyń» hokkeıshileri «Vıtıaz» (Podolsk) komandasyn 4:2 esebimen utyp, fınalǵa shyqty. Bul - astanalyq klýbtyń qatarynan úshinshi jeńisi. Onyń búgingi qarsylasy - «ıÝgra» da buǵan deıin «Barysqa» 4:5 (býllıt) esebimen jol bergen bolatyn. Alaıda «Amýr» komandasymen ótken sońǵy oıynda olar 4:1 esebimen jeńiske jetti. Sonyń arqasynda fınalǵa joldama aldy. Al «Vıtıaz» ben «Amýr» úshinshi orynǵa talasyp kórmek.
Búgingi fınaldyq oıyn Astanadaǵy «Qazaqstan» sport saraıynda keshki saǵat 19:00-de bastalady. Ony «Qazsport» telearnasynan tikeleı efır arqyly kórýge bolady.
