Hokkeı: kókshetaýlyq «Arlan» pavlodarlyq «Ertisti» basymdyqpen utty
KÓKShETAÝ. QazAqparat-Kókshetaýlyq «Arlan» hokkeı klýby óz muz aıdynynda pavlodardyń «Ertis» komandasyn iri eseppen utty, dep habarlaıdy «QazAqparat» HAA tilshisi.
Oıynnyń alǵashqy kezeńinde alań ıeleri qonaqtardyń qaqpasyna birden 2 shaıba saldy. Kózge túsken «Arlan» shabýylshylary Neznamov pen Ivanov. Qonaqtar tarapynan Kopylets mergendik tanytyp, esep aıyrmasyn qysqartty.
Ekinshi kezeńde «Arlan» hokkeıshileri Potaıchýk pen Kıselev bir birden shaıba salyp, esepti odan əri eseleı tústi.
Al, úshinshi, sheshýshi jıyrma mınýtta qos komanda bir bir shaıbadan almasty. Osy rette arlandyq Kaznacheev kózge tússe, «Ertis» komandasynan Rahmanov mergendik tanytty.
Qorytyndy esep 5:2 aıdyn ıeleriniń paıdasyna.
Eske sala keteıik, 2017 jyldyń 6 naýryzynda ótken alǵashqy oıynda «Arlan» hokkeıshileri «Ertis» oıynshylaryn 2:1 esebimen utqan bolatyn.
