Hokkeı: Kókshetaýdyń «Arlan» komandasy tuńǵysh ret el chempıony atandy
KÓKShETAÝ. QazAqparat- Kókshetaýdyń «Arlan» hokkeı komandasy Qazaqstan chempıonatynyń pleı-off serııasyndaǵy 6-shy fınaldyq kezdesýin óz aıdynynda astanalyq «Nomad» komandasymen ótkizip, 1:0 esep aıyrmasymen jeńiske jetti, dep habarlaıdy QazAqparat tilshisi.
Fınaldyq oıyn bolǵan soń kezdesý tartysty ótti. Qos komanda da alma kezek shabýyldaýmen boldy. Alǵashqy 20 mınýtta esep ashylmady. Al ekinshi kezeńde arlandyqtar oıyn tizginin qolǵa alyp, kezdesýdiń 33:46 mınýtynda Kolesnıkov astanalyqtardyń qaqpasyna mańyzdy shaıbany toǵytty. Bul soǵylǵan gol oıynnyń taǵdyryn sheshti. Úshinshi kezeńde qos komanda da tablodaǵy esep aıyrmasyn ózgerte almady. Kezdesý qorytyndysy 1:0, alań ıeleriniń paıdasynda.
Bul arlandyqtardyń pleı-off serııasyndaǵy 4-shi jeńisi. Osylaısha pleı-off serııasynda 6 oıyn ótkizip, 4-ýinde jeńiske jetken arlandyqtar tuńǵysh ret Qazaqstan chempıony atandy.
Matchty tamashalaýǵa barǵan aımaq basshysy Məlik Myrzalın jerlesterin jeńispen quttyqtap, medaldaryn tabys etti.
