Hokkeı: QHL aıasyndaǵy oıynda «Barys» Magnıtogorskiniń «Metallýrg» komandasynan utylyp qaldy

Oıynnyń birinshi kezeńi aıaqtalýǵa 30 sekýnd qalǵanda qonaqtar shaıba salyp, esep ashty. Ekinshi kezeńniń basynda «Metallýrg» hokkeıshileri astanalyq komandanyń qaqpasynan sańylaý taýyp, ekinshi shaıbany engizdi. Osy arada tórt mınýt ótkennen keıin qonaqtardyń serpigen shaıbasy taǵy da «Barystyń» qaqpasynan tabyldy. Esep 0:3 boldy. Bul tartysty dodanyń barysynda «Barys» hokkeıshileri qarsylastar qaqpasyna bir ǵana shaıba salý múmkindigin júzege asyrdy. Negizgi ýaqyttyń qorytyndysy boıynsha astanalyq komanda óz aıdynynda 1:3 esebimen utylyp qaldy.

«Barys» komandasy kezekti oıynyn syrt alańda, 12 qańtar kúni Habarovskiniń «Amýr» komandasymen ótkizedi. Al 15 qańtarda astanalyq komandanyń kezekti kezdesýi Novosibirde bolady. Sondaı-aq «Barystyń» syrt alańdaǵy tartysy 17 qańtarda Novokýznetskiniń «Metallýrg» komandasymen aıaqtalady.