Hokkeı: Kevın Dallmen Qazaqstan quramasyna shaqyryldy
ASTANA. QazAqparat - Pıterdiń SKA komandasynyń qorǵaýshysy Kevın Dallmen hokkeıden Mınskide ótetin 2014 jylǵy álem chempıonatyna qatysý úshin Qazaqstan quramasynan shaqyrtý aldy.
Bul týraly Qazaqstan hokkeı federatsııasynyń resmı saıtynda habarlandy.
Dallmen ÁCh-2014 daıyndyq aıasynda ulttyq quramanyń oqý-jattyǵýyna qatysatyn kandıdattar tizimine kirdi.
Eske sala ketsek, álem chempıonaty 9-25 mamyr aralyǵynda Mınskide bolady. Qazaqstan quramasy alǵashqy matchyn 10 mamyr kúni Germanııa komandasymen ótkizedi, dep habarlaıdy Vesti.kz.
