Hokkeı: «Qaztsınk-Torpedonyń» búgingi qarsylasy - «ıÝjnyı Ýral»
ASTANA. 27 jeltoqsan. QazAqparat - Búgin Óskemen qalasynyń «Qaztsınk-Torpedo» hokkeı klýby óz alańynda «ıÝjnyı Ýral» (Reseı, Orsk) komandasyn qabyldaıdy.
Sońǵy oıynda «Qaztsınk-Torpedonyń» hokkeıshileri «Chelmetti» (Reseı, Chelıabi) býllıt serııasynda jeńip, eki upaı oljalaǵan bolatyn. Qazir komanda barlyǵy 53 upaımen Joǵary hokkeı lıgasynyń jalpytýrnırlik kestesinde 9-shy orynda keledi. Al onyń búgingi qarsylasy - «ıÝjnyı Ýralda» 54 upaı bar. Sonyń arqasynda ol 7-shi orynǵa ornalasty. Degenmen, Óskemen hokkeı klýbynyń 4-5 oıynǵa kem oınaǵanyn eksersek, kósh basyna shyǵýǵa áli de talaı múmkindik bolady. Aıta ketken jón, Italııanyń Trentıno qalasynda ótken qysqy Ýnıversıadaǵa baılanysty «Qaztsınk-Torpedonyń» oıyndary keıinge shegerilgen bolatyn.
Al Qaraǵandy qalasynyń «Saryarqa» hokkeı klýby dál qazir Reseıdiń Angarsk qalasynda jergilikti «Ermak» klýbymen oınap jatyr.
