Hokkeı: «Qaztsınk-Torpedo» revansh ala ma?
ASTANA. 30 qarasha. QazAqparat - Búgin Óskemen qalasynyń «Qaztsınk-Torpedo» hokkeı klýby óz alańynda «Kýban» (Reseı, Krasnodar) komandasyn qabyldaıdy.
Aıta ketken jón, bıylǵy chempıonat aıasynda komandalar ekinshi ret kezdeskeli otyr. Buǵan deıin Krasnodar qalasynda ótken oıynda «Qaztsınk-Torpedo» óz qarsylasyna 3:6 esebimen jol bergen bolatyn. Bul oıyn aptanyń eń qyzyqty matchy atanǵan. Sebebi eki komanda da Joǵary hokkeı lıgasynyń úzdik quramalary bolyp sanalady. Búginde «Kýban» 48 upaımen jalpytýrnırlik kestede ekinshi orynda tur. Al Óskemen qalasynyń hokkeı klýby osy ýaqytqa deıin barlyǵy 46 upaı jınap, besinshi orynda keledi. «Qaztsınk-Torpedo» búgingi oıynda jeńetin bolsa, birden ekinshi orynǵa shyǵady.
