Hokkeı: «Qaztsınk-Torpedo» Lıpetsk qalasynyń quramasyn jeńdi
ASTANA. 7 qazan. QazAqparat - Óskemen qalasynyń «Qaztsınk-Torpedo» hokkeı klýby óz alańda «Lıpetsk» komandasyn jeńdi.
Bul oıynda qarsylastar esepti birinshi bolyp ashty. Degenmen kóp uzamaı, «Qaztsınk-Torpedo» tarazy basyn teńestirip, ekinshi kezeńde alǵa shyqty. Esep - 2:1. Al úshinshi kezeńde «Lıpetsk» komandasy esepti teńestirý úshin baryn saldy. Onynshy mınýtynda kózdegenderine jetti. Biraq «Qaztsınk-Torpedonyń» hokkeıshileri shabýyldaryn údetip, eki birdeı shaıbany soǵyp ketti. Qorytyndy esep - 4:2.
Aıta keteıik, sońǵy on oıynnan keıin «Qaztsınk-Torpedonyń» enshisinde 27 upaı bar. Búginde ol lıganyń jalpy týrnırlik kestesinde kósh bastap keledi.
