Hokkeı: «Qaztsınk-Torpedo» «Kýban» komandasyn oısyrata utty

Bul oıynnyń alǵashqy shaıbasyn Joǵary hokkeı lıgasynyń úzdik shabýylshysy, «Qaztsınk-Torpedonyń» forvardy Evgenıı Rymarev soqty. Birinshi kezeńde eki komanda da barynsha tyrysyp, óz basymdyǵyn bekitip alýdy kózdedi. E.Rymarevtiń birneshe soqqylary qarsylastar qaqpasyna tıse de, «Kýban» qaqpashysy barlyǵyn sheber qaıtara bildi. Degenmen, kezeńniń sońǵy sekýndtarynda esep ózgerdi. 1:0. «Qaztsınk-Torpedo» alǵa shyqty. Al ekinshi kezeńniń basynda Óskemen qalasynyń hokkeı klýby óz basymdyǵyn 3:0-ge jetkizdi. «Kýban» oǵan tek bir shaıbamen ǵana jaýap bere aldy. Úshinshi kezeńniń ortasynda onyń qaqpasynan tórtinshi shaıba tabyldy. Qorytyndy esep - 4:1. Sóıtip, Krasnodar qalasynda ótken oıynda «Qaztsınk-Torpedo» óz qarsylasyna 3:6 esebimen jol berse de, óz jerinde qarymta qaıtaryp, lıga favorıteriniń birin tize búktirdi.

Aıta keteıik, osy oıynnan keıin «Qaztsınk-Torpedonyń» upaı sany 49-ǵa deıin jetti. Sonyń arqasynda komanda Joǵary hokkeı lıgasynyń jalpytýrnırlik kestesinde ekinshi orynǵa shyqty. Lıganyń eki dúrkin chempıony - «Toros» birinshi oryndy saqtap keledi.