Hokkeı: «Qaztsınk-Torpedo» kezekti jeńisimen qýantty
ASTANA. 23 qyrkúıek. QazAqparat - Joǵary hokkeı lıgasynda óner kórsetip júrgen Óskemen qalasynyń «Qaztsınk-Torpedosy» altynshy ret jeńiske jetti.
Keshe ol syrt alańda «THK» (Tver) komandasyn utty. Oıynnyń birinshi kezeńinde esep ashylǵan joq. Al ekinshi kezeńde «Qaztsınk-Torpedonyń» hokkeıshileri qarsylastar qaqpasyna eki birdeı shaıba soqty. Úshinshi kezeńde de Óskemen klýbynyń mereıi ústem boldy. Aleksandr Plıýşev dýbl jasap, esepti 3:0-ge deıin jetkizdi. Oıynnyń aıaǵyna deıin «THK» komandasy esep aıyrmasyn eki shaıbaǵa qysqartty. Biraq odan asa almady. Qorytyndy esep - 3:2. Osylaısha, Joǵary hokkeı lıgasynyń jańa maýsymyn sátti bastaǵan «Qaztsınk-Torpedo» hokkeı komandasy altynshy oıynda jeńiske jetip, taǵy úsh upaıǵa ıe boldy. Búginde Óskemenniń hokkeı klýby lıganyń jalpy týrnırlik kestesinde 17 upaımen kósh bastap tur.
