Hokkeı: «Qaztsınk-Torpedo» kezekti qarsylasyn súrindirdi
ASTANA. 26 jeltoqsan. QazAqparat - Óskemen qalasynyń «Qaztsınk-Torpedo» hokkeı klýby óz alańynda «Chelmet» (Reseı, Chelıabi) komandasyn býllıt serııasynda jeńdi.
Bul oıynda qonaqtar esepti birinshi bolyp ashty. Alaıda birinshi kezeń aıaqtalǵansha, tarazy basy teńesti. Ekinshi kezeńde alań ıeleri alǵa shyqty. «Chelmet» oǵan bir shaıbamen jaýap berse, kezeń sońynda «Qaztsınk-Torpedonyń» hokkeıshileri óz basymdyǵyn ulǵaıtty. Esep - 3:2. Úshinshi kezeńde tarazy basy taǵy da teńesti. Degenmen, Óskemen qalasynyń quramasy 4:3 esebimen alǵa shyǵa bildi. Al oıynnyń aıaqtalýyna sanaýly sekýndtar qalǵanda, qarsylastar bir shaıba soǵyp úlgerdi. Esep - 4:4. Overtaımda jeńimpaz anyqtalǵan joq. Býllıt serııasynda Kırıl Savıtskııdiń nátıjeli soqqysy «Qaztsınk-Torpedoǵa» jeńis ákeldi.
Osy oıynnan keıin Óskemen qalasynyń hokkeı klýby qosymsha eki upaıǵa qol jetkizip, jalpytýrnırlik kestede 9-shy orynǵa kóterildi.
