Hokkeı: «Qaztsınk-Torpedo» Ijevsk qalasynyń quramasyn jeńdi
ASTANA. 25 qazan. QazAqparat - Óskemen qalasynyń «Qaztsınk-Torpedo» hokkeı klýby óz alańynda «Ijstal» (Reseı, Ijevsk) komandasynan basym tústi.
Matchtyń alǵashqy shaıbasyn «Qaztsınk-Torpedonyń» hokkeıshileri saldy. Ekinshi kezeńde esep ózgergen joq. Al úshinshi kezeńde «Ijstal» tarazy basyn teńestirdi. Osydan keıin oıyn qosymsha ýaqytqa, ıaǵnı overtaımǵa ulasty. Onda Óskemen qalasynyń hokkeı klýby tabandylyq tanytyp, ekinshi shaıbasyn soǵyp ketti. Qorytyndy esep - 2:1.
Aıta keteıik, osy oıynda «Qaztsınk-Torpedo» eki upaıdy oljalady. Búginde komandanyń enshisinde barlyǵy 35 upaı bar. Ol jalpy týrnırlik kestede tek «Torosqa» (36 upaı) ǵana jol berip otyr.
