Hokkeı: «Qaztsınk-Torpedo» ekinshi orynǵa syrǵydy
ASTANA. 22 qazan. QazAqparat - Óskemen qalasynyń «Qaztsınk-Torpedo» hokkeı klýby óz alańynda «Toros» (Bashqurtstan, Nıjnekamsk) komandasyna jol berip qoıdy.
Bul matchta qonaqtardyń oıyny júrdi. Birinshi kezeńniń ekinshi mınýtynda olar esepti ashyp, artynan sheber qorǵana bildi. Al ekinshi kezeńde tarazy basyn 0:3-ke deıin jetkizdi. «Qaztsınk-Torpedo» qansha tyrysqanymen, esepti teńestire almady. Úshinshi kezeńde «Torostyń» qaqpasyna bir-aq shaıba soǵyldy. Osymen oıyn da aıaqtaldy. Qorytyndy esep - 1:3. Osylaısha, eki komandanyń jalpy upaı sany teńesti. Árbireýinde - 33 upaı. Alaıda qarsylastyń qaqpasyna soqqan shaıbalardyń sany jaǵynan «Toros» alda tur. Sondyqtan ol jalpy týrnırlik kesteniń birinshi ornyna kóterildi. Al kópten beri oq boıy ozyq turǵan «Qaztsınk-Torpedo» ekinshi orynǵa syrǵydy.
