Hokkeı: Qazaqstannyń qyzdar quramasy álem chempıonatynyń fınalyna shyqty
ASTANA. QazAqparat - Shaıbaly hokkeıden jasóspirim qyzdar quramasy 18 jasqa deıingiler arasyndaǵy álem chempıonatynyń 1 dıvızıonynda kezekti ret jeńiske jetti, dep habarlaıdy olympic.kz.
Bul joly qazaqstandyq komanda 3:1 esebimen qytaılyq Taıpeıden basym tústi. Qazaqstan sapynan Tomırıs Ospanova, Aleksandra Golotvına jáne Arýjan Keńesovalar mergendigimen tanyldy.
Toptyq kezeńde Túrkııa men Avstralııany jeńgen qazaqstandyqtar fınalda Koreıa komandasymen kezdesedi.
Aqtyq kezdesý 19 qańtar kúni Astana ýaqytymen 01:00-de bastalmaq.
