Hokkeı: Qazaqstan jastary Vengrııa quramasynan basym tústi
NUR-SULTAN. QazAqparat - Búgin shaıbaly hokkeıden Qazaqstan jastar quramasy álem chempıonaty birinshi dıvızıonynda alǵashqy oıynynda Vengrııadan basym tústi, dep habarlaıdy QazAqparat tilshisi.
Búgingi kezdesýde qazaqstandyq hokkeıshiler sátti oıyn kórsetti. Nátıjesinde Abaı Mańǵysbaev 1-mınýtta mergendik tanytsa, Vsevolod Logvın 18-mınýtta esepti ústemeleı tústi.
Al ekinshi kezeńniń 25-mınýtynda Qazaqstan quramasynyń basymdyǵyn arttyra tústi. Budan keıin vengrııalyq hokkeıshiler bir shaıbamen jaýap qaıyrdy.
Osylaısha Qazaqstan jastary qarsylasynan 3:1 esebimen basym tústi.
Endi elimizdiń jastary 13 jeltoqsanda Norvegııamen sheberlik baıqasady.
Eske salsaq, qazaqstandyq hokkeıshiler A tobynda synǵa túsedi. Qarsylastary - Danııa, Norvegııa, Vengrııa, Latvııa jáne Belarýs. Oıyndar Danııanyń Hersholm qalasynda 12-19 jeltoqsan aralyǵynda ótkiziledi.
