Hokkeı: Qazaqstan jastary Slovakııaǵa ese jiberdi
NUR-SULTAN. QazAqparat - Búgin Chehııada shaıbaly hokkeıden 20 jasqa deıingi jastar quramalary arasynda álem chempıonatynyń ekinshi kúninde Qazaqstan jastary Slovakııamen kezdesti, dep habarlaıdy QazAqparat tilshisi.
Esterińizge sala ketelik, qazaqstandyq jastar Esterińizge sala ketelik, qazaqstandyq hokkeıshiler A tobynda synǵa túsedi. Qarsylastary - Fınlıandııa, Shveıtsarııa, Shvetsııa jáne Slovakııa quramalary.
Budan buryn qazaqstandyq qurama Shveıtsarııadan 3:5 esebimen jeńilip qalǵan edi. Degenmen atalmysh kezdesý asa tartysty ótti. Qazaqstandyq jastar oıyn barysynda eki márte tarazy basyn teńestirgenimen, nátıjesinde qarsylasyna jol berip qoıdy.
Búgin de oıyn tartysty órbidi. Eki kezeń boıy tabloda teń nátıje janyp turdy. Aldymen slovak hokkeıshisi Olıver Okýlar 24-mınýtta esep ashqan edi. Al 49-mınýtta qazaqstandyq hokkeıshi Maksım Mýsorov tarazy basyn teńestirdi. Maksım Mýsorov osylaısha álem chempıonatyndaǵy óziniń úshinshi golynyń avtory atandy. Degenmen 58-mınýtta slovak hokkeıshisi Danıel Tkach shaıba soǵyp ketti. Al 59-mınýtta slovakııalyq Robert Dzogan qorytyndy esepti belgiledi. Osylaısha Qazaqstan jastary qarsylasynan 1:3 esebimen jeńilip qaldy.
Byltyrǵy álem chempıonatynda Qazaqstan jastary Slovakııadan 2:11 esebimen jeńilip qalǵan edi. Endi qazaqstandyq jastar 29 jeltoqsanda Fınlıandııamen kezdesse, 30 jeltoqsanda Shvetsııa quramasymen baq synasady.
