Hokkeı: Qazaqstan jastary Germanııaǵa ese jiberdi
NUR-SULTAN. QazAqparat - Chehııada ótip jatqan shaıbaly hokkeıden 20 jasqa deıingi jastar quramalary arasyndaǵy álem chempıonatynda búgin Qazaqstan quramasy Germanııamen jubanysh kezeńindegi alǵashqy oıynyn ótkizdi, dep habarlaıdy QazAqparat tilshisi.
Germanııa quramasy byltyr birinshi dıvızıonda jeńimpaz atanyp, joǵary dıvızıonda baq synaýǵa múmkindik alǵan edi. Nemis hokkeıshileri V tobynda Kanada, AQSh, Reseı, Chehııa quramalarymen oınady. Bir kezdesýde jeńiske jetken olar qalǵanynda qarsylastar yǵyna jyǵyldy. Óz tobynda sońǵy oryndy mise tutty.
Qazaqstan jastar quramasy álem chempıonatynda tórt kezdesý ótkizip, barlyǵynda qarsylastaryna ese jiberdi https://kaz.inform.kz/news/hokkey-kazakstan-zhastary-zhogary-divizionda-ornyn-saktap-kala-ma_a3600319. Aldymen Shveıtsarııadan 3:5 esebimen jeńilgen qazaqstandyq hokkeıshiler odan keıin Slovakııadan 1:3, Fınlıandııadan 1:7, Shvetsııadan 2:6 esebimen utyldy.
Búgingi kezdesýde nemis hokkeıshileri Qazaqstan jastar quramasy qaqpasyna jaýapsyz tórt gol soǵyp ketti. Oıynnyń 1 jáne 11-mınýtynda Lýkas Raıhel jáne Lýıs Brýne mergendik tanytty. Al olardyń qatarynan 41-mınýtta Djon Peterka, 51-mınýtta Domınık Bokka gol soqty. Osylaısha Qazaqstan jastary jubanysh kezeńindegi alǵashqy oıynynda qarsylasynan 0:4 esebimen jeilip qaldy.
Jubanysh kezeńindegi ekinshi oıyn elorda ýaqytymen 16.00-de bastalady. Bul kezdesýde nemis hokkeıshileri jeńiske jetken jaǵdaıda joǵary dıvızıonda qaı quramanyń qalatyny tolyqtaı sheshiledi. Al oıyndar serııasy teńesken jaǵdaıda taǵy bir kezdesý 5 qańtar kúni ótkiziledi.
Foto: shaiba.kz
