Hokkeı: Qazaqstan jastar quramasy tórtinshi jeńisine qol jetkizdi
ASTANA. QazAqparat - Hokkeıden jastar arasyndaǵy álem chempıonatynyń birinshi dıvızıonynda «A» tobynda óner kórsetken Qazaqstan quramasy tórtinshi jeńisine qol jetkizdi, dep habarlaıdy QazAqparat.
Otandastarymyz tórtinshi kezdesýin avstrııalyq komandaǵa qarsy ótkizip, 3:2 esebimen jeńiske jetti.
Esterińizge sala keteıik, qazaqstandyq hokkeıshiler osyǵan deıin Latvııa quramasyn 4:1, Germanııany 3:2, al Vengrııa quramasyn 5:3 esebimen qapy qaldyrǵan bolatyn.
Osylaısha, tórt týrdan soń Qazaqstan komandasy 10 upaı jınap, týrnır kestesinde ekinshi orynda keledi. Kósh basynda ázirge otandastarymyzben birdeı upaı enshilegen Germanııa hokkeıshileri kele jatyr. Olar qosymsha kórsetkishter boıynsha alda keledi. Latvııa 9 upaımen úshinshi orynda.
Endi sońǵy týrda Qazaqstan frantsýzdarmen kezdesedi.
