Hokkeı: Qazaqstan jastar quramasy elıtalyq topta qala ala ma
NUR-SULTAN. QazAqparat – Qazaqstan jastar quramasy elıtalyq topta óz ornyn saqtap qala ala ma, ony aldaǵy oıyndar sheshedi, dep habarlaıdy QazAqparat tilshisi.
Chehııada ótip jatqan jastar álem chempıonatynda A tobynda sońǵy orynǵa ıe bolǵan qazaqstandyqtardyń qarsylasy búgin belgili bolady.
V tobynda búgin Reseı men Germanııa, Kanada men Chehııa quramalary kezdesedi. Qazirgi kezde Reseı men Germanııanyń qorjynynda úsh, Chehııada tórt upaı bar. Osylardyń qaısysy V tobynda sońǵy orynda qalady, Qazaqstan sonymen sheberlik baıqasady.
Qazaqstan elıtalyq topta óz ornyn saqtap qalý úshin Ostravada sheshýshi oıyndaryn ótkizedi. Báseke eki jeńiske deıin sozylady. Birinshi match 2 qańtarda, ekinshisi 4-inde bolady. Qajet bolǵan jaǵdaıda úshinshi oıyn 5 qańtarda ótedi.
Eske sala keteıik, budan buryn qazaqstandyq jastardyń Shvetsııadan jeńilip qalǵanyn jazǵan bolatynbyz.
