Hokkeı: Qazaqstan qyzdary Ońtústik Koreıamen kezdesti
NUR-SULTAN. QazAqparat - Qytaı astanasy - Beıjiń qalasynda shaıbaly hokkeıden qyzdar arasynda Álem chempıonatynyń birinshi dıvızıony V tobyndaǵy tórtinshi týr oıyndary ótti. Qazaqstan quramasy Ońtústik Koreıamen kezdesti, dep habarlaıdy QazAqparat tilshisi.
Atalmysh dodada Qazaqstan quramasy sátsiz oıyn kórsetip keledi. Buǵan deıingi eki kezdesýde de qarsylastaryna ese jiberdi. Aldymen Polshadan 3:5 esebimen jeńilip qalǵan edi.
Odan keıin Gollandııaǵa 1:3 esebimen jol berdi.
Al úshinshi kezdesýinde Latvııaǵa býllıtten 1:2 esebimen jol berdi.
Búgingi kezdesýde esepti Ońtústik Koreıa quramasynyń hokkeıshi qyzdary ashty. Olar 8-mınýtta bizdiń qaqpadan sańylaý tapty. Kelesi shaıbany da qarsylastarymyz 19-mınýtta soǵyp ketti. Ekinshi kezeńde de qazaqstandyqtardyń qaqpasynan eki shaıba tabyldy. Oǵan qazaqstandyq sportshylar 51-mınýtta jalǵyz ǵana shaıbamen jaýap qaıyrdy. Budan keıin Ońtústik Koreıa quramasynyń qyzdary taǵy bir gol saldy. Osylaısha Qazaqstan quramasy atalmysh qarsylasyna 1:5 esebimen jol berdi.
Atalmysh topta taǵy eki kezdesý ótkizildi. Gollandııa Latvııany 3:1, Polsha Qytaıdy 4:3 esebimen jeńdi. Tórt týrdan keıin Gollandııa quramasy 12 upaımen kósh bastap keledi. Odan keıingi oryndaǵy Polshanyń - 9, Qytaı men Ońtústik Koreıanyń - 6, Latvııanyń 6 upaıy bar.
Sońǵy týr oıyndary 12 sáýirde ótkiziledi. Bul kúni Polsha men gllandııa, Ońtústik Koreıa men Latvııa, Qazaqstan men Qytaı quramalary kezdesedi.
