Hokkeı: Qazaqstan quramasynyń shabýylshysy I. Solarev eki jylǵa jarystardan shettetildi
ASTANA. 5 qyrkúıek. QazAqparat - Halyqaralyq hokkeı federatsııasynyń tártiptik komıteti dopıng paıdalanǵany úshin Qazaqstan quramasynyń shabýylshysy Ilıa Solarevti eki jyl merzimge jarystarǵa qatysýdan shettedi. Bul týraly atalǵan federatsııasynyń (IIHV) resmı saıty habarlady.
Hokkeıshiniń dopıng synamasy birinshi dıvızıonda álem chempıonatyn ótkizý kezinde 17 sáýirde alynǵan edi. Tekserý nátıjesinde 31 jasar forvardta tyıym salynǵan salbýtamol preparaty anyqtaldy.
Solarevtiń ózi bul preparatty ókpesimen problema bolǵannan keıin qabyldaǵanyn alǵa tartýda. Alaıda tártiptik komıtetke tyıym salynǵan preparat shabýylshynyń oıyn nátıjesine áser etpegendigi jóninde aıǵaq usynylmady. Osy arqyly I. Solarev 2015 jyldyń 31 shildesine deıin IIHF bastamasymen ótkiziletin jarystarǵa qatysa almaıdy.
