Hokkeı: Qazaqstan quramasynyń aldaǵy eki oıynǵa keńeıtilgen tizimi jarııalandy
ASTANA. QazAqparat - Shaıbaly hokkeıden Qazaqstan quramasynyń bapkerleri aldaǵy Reseı jáne Belarýske qarsy ótetin eki joldastyq kezdesýge qatysatyn keńeıtilgen quramdy jarııalady, dep habarlaıdy QazAqparat tilshisi.
Atalǵan eki joldastyq kezdesý 5 jáne 7 mamyr kúnderi ótedi.
Qazaqstan quramasynyń bas bapkeri Ǵalym Mámbetálıev oǵan qatysatyn hokkeıshilerdiń keńeıtilgen tizimin jarııalady.
Qaqpashylar: Djelal-Ad-Dın Ámirbekov, Nıkıta Boıarkın, Andreı Shýtov (barlyǵy – «Barys»), Maksım Pavlenko («Nomad»)
Qorǵaýshylar: Ádil Beketaev, Samat Danııar, Tamırlan Gaıtamırov (barlyǵy – «Barys»), Dmıtrıı Breýs («Chaıka», Reseı), Danıl Býtenko, Mádı Dıhanbek, Artem Korolev, Abylaıhan Súleımenov (barlyǵy – «Nomad») Kırıll Polohov («Arlan»), Valerıı Orehov («Metallýrg», Magnıtogorsk)
Shabýylshylar: Álıhan Ásetov, Aleksandr Borısevıch, Dinmuhamed Qaıyrjan, Nıkıta Mıhaılıs, Batyrlan Muratov, Mıhaıl Rahmanov, Kırıll Savıtskıı, Ańsar Shaıhmeddenov, Arkadıı Shestakov (barlyǵy – «Barys»), Stanıslav Aleksandrov, Oleg Boıko, Abaı Mańǵysbaev, Maksım Mýhametov, Álıhan Ómirbekov (barlyǵy – «Nomad»), Andreı Býıalskıı (Vermont ýnıversıteti, AQSh), Saıan Danııar («Saryarqa»), Dmıtrıı Grents («Arlan»), Haqnazar Keńesbaı («Almaty»), Maksım Mýsorov («Hımık», Reseı), Roman Starchenko («Spartak», Máskeý, Reseı), Evgenıı Rymarev («AKM», Reseı).
Aıta ketsek, qazaqstandyq hokkeıshiler 12-28 mamyr aralyǵynda top-dıvızıonda V tobynda synǵa túsedi. Qarsylastary - Kanada, Chehııa, Shveıtsarııa, Latvııa, Slovakııa, Norvegııa, Slovenııa.
Eske salsaq, budan buryn el quramasy Ońtústik Koerıadan joldastyq kezdesýde eki márte basym tústi.
