Hokkeı: Qazaqstan quramasyn jeńgen Italııa qysqy Olımpıadaǵa joldama aldy
NUR-SULTAN. QazAqparat - Shaıbaly hokkeıden Qazaqstan áıelder quramasy 2022 jylǵy Qysqy Olımpıadadan tys qaldy, dep habarlaıdy QazAqparat tilshisi.
Qazaqstandyq qurama Italııamen sheberlik baıqasty. Jeńgeni Olımpıadaǵa beriletin joldamaǵa qol jetkizetin edi.
Oıynnyń birinshi kezeńinde qazaqstandyq Larısa Svırıdova 3-mınýtta esep ashqan edi. Odan keıin eki komanda esepti ózgertetin múmkindik izdedi.
Degenmen ekinshi kezeńde quramalar bir-biriniń qaqpasynan sańylaý taba alǵan joq.
Úshinshi kezeńde Italııa qatarynan eki gol soǵyp ketti. Nátıjesinde Qazaqstan quramasyn 2:1 esebimen jeńdi.
Týrnır kestesinde toǵyz upaımen birinshi oryn alyp, Olımpıaǵa beriletin joldamaǵa qol jetkizdi.
Budan buryn Taıvandy 7:1 esebimen tize búktirip, odan keıin Ispanııadan 2:3 esebimen jeńilip qaldy.
Qazaqstan áıelder quramasy buǵan deıin 2002 jyly synǵa tústi. A tobynda Kanada men Shvetsııadan - 0:7, Reseıden - 1:4 esebimen jeńildi.
Óz tobynda tórtinshi oryn alyp, 5-8 oryndar úshin sheberlik baıqasty. Onda Germanııadan 0:4, Qytaıdan 1:2 esebimen utylyp, segizinshi oryndy qanaǵat tutty.
