Hokkeı: Qazaqstan quramasy úzdik dıvızıonǵa joldama aldy
NUR-SULTAN. QazAqparat - Hokkeıden Qazaqstan qurama komandasy birinshi dıvızıondaǵy álem chempıonatynyń aıaqtalýyna eki týr qalǵanda joǵary dıvızıonǵa joldama aldy, dep habarlaıdy «SPORTINFORM» SAA.
Búgin Ońtústik Koreıa hokkeıshileri Lıtvadan jeńilip qalǵannan keıin, Qazaqstan qalǵan týralarda jeńilip qalsa da, ekinshi orynnan tómen túspeıtini belgili boldy.
Búgin saǵat 17:30-da bastalatyn Qazaqstan men Belarýs ulttyq qurama komandalary arasyndaǵy matchta 2019 jylǵy álem chempıonatynyń jeńimpazy anyqtalady. Sonymen qatar, aıta ketý kerek belarýstar elıtaǵa joldama alǵan joq. Alaıda keler jyly myqtylarmen sheberlik baıqasýy úshin olar Qazaqstan nemese Ońtústik Koreıamen matchtarda keminde bir upaı jınaýy kerek.
