Hokkeı: Qazaqstan quramasy Ulybrıtanııa hokkeıshilerin 2:1 esebimen jeńdi
ASTANA. 19 sáýir. QazAqparat /Jasulan Amanbaıuly/ - Keshe Ýkraınada ótip jatqan Álem chempıonatynda birinshi dıvızıonnyń V tobynda óner kórsetetin Qazaqstan hokkeı quramasy Ulybrıtanııany 2:1 esebimen jeńdi.
Match kezinde Qazaqstan quramasynyń sapyn QHL-diń «Atlant» komandasynan kelgen Vıtalıı Kolesnık, Maksım Semenov jáne Dmıtrıı Ýpper tolyqtyrǵan bolatyn. Oıynnyń alǵashqy jıyrma mınýttyǵynyń jalǵyz shaıbasyn eýropalyqtardyń tájirıbeli hokkeıshisi Davıd Lognstaff saldy. Ekinshi aınalymda Andreı Gavrılın komandalardyń tablodaǵy esebin teńestirdi. Sońǵy kezeńde Homýtov shákirtteri belsendilikterin arttyryp, nátıjesinde oıynnyń aıaqtalýyna 5 mınýt qalǵanda qarsylastarǵa gol soqty. Bul oıyndaǵy jeńisti shaıbanyń avtory - Dmıtrıı Dýdarev.
Bunyń aldyndaǵy oıynda Qazaqstan quramasy Estonııany 5:1 esebimen tize búktirgen bolatyn.
Jerlesterimizdiń kelesi matchy Lıtva komandasymen arada ótedi. Sodan soń qazaq hokkeıshileri osy topta áli jeńilip kórmegen taǵy bir qurama Polsha jigitterimen aıdynǵa shyǵady. Toptaǵy sońǵy kezdesý Ýkraına quramasymen bolmaq.
