Hokkeı: Qazaqstan quramasy Ýkraınany 8:1 esebimen jeńdi

NUR-SULTAN. QazAqparat – Búgin hokkeıden Qazaqstan quramasy 2022 jylǵy Qysqy Olımpıadaǵa úshinshi irikteý kezeńinde Ýkraınamen oınady, dep habarlaıdy QazAqparat tilshisi.

Bul oıynda qazaqstandyq qurama qarsylasyn iri eseppen jeńdi. Birinshi kezeńde qazaqstandyqtar qatarynan Dmıtrıı Shevchenko, Egor Petýhov, Leonıd Metalnıkov, Roman Starchenko men Talǵat Jaılaýov shaıba soqsa, oǵan ýkraınalyqtar bir ǵana shaıbamen jaýap qaıyrdy. Ekinshi kezeńde qazaqstandyq Darren Dıts pen Arkadıı Shestakov esepti ústemeleı tústi. Al úshinshi kezeńde qazaqstandyq Valerıı Orehov mergendik tanytty. Osylaısha, Ulttyq qurama Ýkraınadan 8:1 esebimen basym tústi.

Qazaqstan hokkeıshileri endi 7 aqpanda Nıderlandymen muz aıdynyna shyǵady. Aıta keteıik, búgin nıderlandtyqtar Polshadan 0:8 esebimen jeńilip qaldy.

Іrikteý kezeńiniń fınaldyq satysyna joldama alý úshin qazaqstandyq hokkeıshiler óz tobynda birinshi oryn alýy tıis. Jarystyń atalmysh satysynda qazaqstandyq hokkeıshiler 2020 jyldyń 27-30 tamyzy aralyǵynda Slovakııa, Norvegııa, Latvııamen sheberlik baıqasady.

Qazaqstan quramasy Qysqy Olımpıada oıyndary tarıhynda eki márte baq synaǵan bolatyn. 1998 jyly shırek fınalǵa deıin jetse, 2006 jyly jalpy esepte toǵyzynshy oryn aldy.