Hokkeı: Qazaqstan quramasy Slovenııany jeńdi
ASTANA. 10 sáýir. QazAqparat - Hokkeıden Álem chempıonatyna daıyndyq aıasynda Qazaqstannyń quramasy kezekti dostyq matchty ótkizdi.
Keshe Slovenııa komandasymen kezdesken bizdiń hokkeıshiler óz qarsylastaryn 2:1 esebimen utty.
Marıborda ótken mtchtyń alǵashqy shaıbasyn slovenııalyq hokkeıshiler saldy. Alaıda týra alty mınýttan keıin Fedor Polışýk tarazy basyn teńestirdi. Al Talǵat Jaılaýov ekinshi shaıbanyń avtory atanyp, óz komandasyn alǵa shyǵardy. Qorytyndy esep - 2:1. Búgin eki komanda arasyndaǵy ekinshi kezdesý ótedi.
Esterińizge sala keteıik, 14-20 sáýir aralyǵynda Majarstannyń Býdapesht qalasynda Álem chempıonaty ótpek. Qazaqstan «A» tobynda óner kórsetedi. Bul topta biz Ulybrıtanııa, Japonııa, Italııa, Koreıa jáne Majarstannyń quramalarymen kúsh synasyp kóremiz.
