Hokkeı: Qazaqstan quramasy Italııamen kezdesý ótkizdi
ASTANA. Mamyrdyń 3-i. QazAqparat /Jasulan Amanbaıuly/ - Qazaqstannyń hokkeı quramasy Italııamen joldastyq kezdesý ótkizdi, dep habarlaıdy QazAqparat Qazaqstannyń shaıbaly hokkeı federatsııasyna silteme jasap.
Tartysty ótken match 1:1 esebimen aıataldy. Qazaqstan quramasy sapyndaǵy Roman Starchenko 12-shi mınýtta shaıba salyp, komandany alǵa shyǵarǵan. Alaıda 40-ynshy mınýtta Italııa hokkeıshisi Ramozer esepti teńestirip ketti. Bunyń aldynda birer kúnder buryn Qazaqstan hokkeıshileri Italııa quramasymen joldastyq kezdesý ótkizgen bolatyn. Ol kezde 2:0 esebimen qazaqstandyq hokkeıshiler basym tústken edi.
Eske sala keteıik, Andreı Shaıanov jattyqtyratyn hokkeıshilerimiz Germanııadaǵy Álem birinishiligi aldynda joldastyq kezdesý ótkizý úshin sáýirdiń 29-da Italııaǵa ushyp ketken bolatyn. Endi elimizdiń hokkeıshileri Germanııadaǵy álem chempıonatyna attanady.
