Hokkeı: Qazaqstan quramasy elıtalyq dıvızıonǵa shyǵa almady
ASTANA. QazAqparat - Birinshi dıvızıon arasynda Býdapeshte ótken álem chempıonaty Qazaqstan quramasy úshin sátsiz aıaqtaldy, dep habarlaıdy QazAqparat tilshisi.
Sońǵy kúni qazaqstandyqtar Polsha quramasyn oısyrata jeńgenimen, olardyń taǵdyry qarsylastarynyń oıynyna baılanysty edi.
Aldymen Italııa quramasy Slovenııamen kezdesýde match aıaqtalýǵa nebári 2 sekýnd qalǵanda jeńis golyn soǵyp, 4:3 esebimen utyp ketti. Bul báseke teń aıaqtalsa, Qazaqstan elıtalyq dıvızıonǵa shyǵyp tur edi. Sol sııaqty sońǵy match ta qazaqstandyqtardyń paıdasyna sheshilmedi. Vengrııa negizgi ýaqytta Ulybrıtanııany jeńse, jetkilikti edi. Alaıda taǵy da oıyn bitýge sanaýly sekýndtar qalǵanda ulybrıtanııalyqtar esepti teńestirdi. Bul kezdesýde býllıt serııasynda Ulybrıtanııa quramasy jeńiske jetti.
Osylaısha birinshilik qorytyndysynda alǵashqy eki orynǵa ıe bolǵan Ulybrıtanııa men Italııa quramalary elıtalyq dıvızonǵa joldama aldy.
