HOKKEI: Qazaqstan quramasy álem chempıonatynyń birinshi dıvızıony matchynda vengrııalyqtardy jeńdi
ASTANA. QazAqparat - Qazaqstan hokkeı quramasy álem chempıonaty birinshi dıvızıonynyń matchynda Vengrııa quramasyn 5:0 esebimen utty, dep habarlaıdy Sports.kz.
Konstantın Rýdenko kezdesýdiń birinshi kezeńinde jalǵyz shaıba ǵana soqsa, ekinshi kezeń oıynnyń nátıjesin sheshti. Tabloda myna esimder paıda boldy: Alekseı Vorontsov, Vadım Krasnoslobodtsev pen Kevın Dallmen. Qorytyndyny Konstantın Pýshkarev shyǵardy.
22 sáýirde Astana boıynsha saǵat 17:00-de qazaqstandyq qurama Japonııamen kezdesetin bolady. Sonymen, Qazaqstan - Vengrııa 5:0 (1:0, 3:0, 1:0) Shaıbalar: 1:0 - 01:43 Rýdenko (Starchenko, Dallmen). Artyq quramda +2 2:0 - 25:50 Vorontsov (Panshın, Lıtvınenko). Teń quramda 3:0 - 32:12 Dallmen (Krasnoslobodtsev, Jaılaýov). Artyq quramda+1 4:0 - 35:36 Krasnoslobodtsev (Rymarev, Jaılaýov). Artyq quramda+1 5:0 - 48:06 Pýshkarev (Jaılaýov). Teń quramda Qaqpashylar: Polýektov - Balısh
Aıyppul: 4:16 (2:6, 2:8, 0:2).
