Hokkeı: Qazaqstan quramasy Birinshi arna kýbogynda Reseımen sheberlik baıqasady

ASTANA. KAZINFORM - Shaıbaly hokkeıden Qazaqstan quramasy búgin Reseıdiń Novosibir qalasynda ótip jatqan Birinshi arna kýbogyndaǵy ekinshi oıynyn ótkizedi. 

Reseı quramasymen kezdesý Qazaqstan ýaqytymen 15:55-te bastalyp, «Qazsport» telearnasynda tikeleı efırde kórsetiledi.

Aıta keteıik, bul týrnırge Reseı, Belarýs jáne Qazaqstan quramalary qatysyp jatyr. 

Otandastarymyz 12 jeltoqsanda ótken alǵashqy matchta Belarýske 1:4 esebimen ese jiberse, 13 jeltoqsanda belarýstik hokkeıshiler Reseıge 1:3 esebimen jeńilip qaldy. 

Qazaqstan quramasynyń jarysqa qatysatyn quramy tómendegideı:

Qaqpashylar: Nıkıta Boıarkın («Barys»), Roman Kalmykov («Nomad»), Vladıslav Pestov («Torpedo»);

Qorǵaýshylar: Tamırlan Gaıtamırov, Artem Korolev, Beıbarys Orazov (barlyǵy - «Barys»), Mádı Dıhanbek, Kırıll Nıkıtın (ekeýi - «Nomad»), Edýard Mıhaılov, Ivan Stepanenko (ekeýi -«Saryarqa»), Fedor Horoshev («Torpedo»).

Shabýylshylar: Oleg Boıko, Saıan Danııar (ekeýi - «Nomad»), Aleksandr Borısevıch, Artem Lıhotnıkov ekeýi - «Saryarqa»), Andreı Býıalskıı («Polonııa Bytom», Polsha), Maksım Mýsorov («Torpedo»), Roman Starchenko, Vıacheslav Kolesnıkov, Kırıll Lıapýnov, Batyrlan Mýratov, Rýslan Ospanov (barlyǵy - «Barys»), Oskar ıÝlbarısov («Gornıak»).

Eske salsaq, budan buryn shaıbaly hokkeıden Qazaqstan jastar quramasy elıtalyq dıvızıonǵa shyǵa almady.