Hokkeı: Qazaqstan komandasy álemdik reıtıngte joǵarylady
NUR- SULTAN. QazAqparat - Halyqaralyq shaıbaly hokkeı federatsııasy 2020 jylǵy álemdik reıtıngti jarııalady, dep habarlaıdy QazAqparat Olympic.kz-ke silteme jasap.
Jyl saıyn túziletin reıtıngte álem chempıonttary men Olımpıada oıyndarynyń (Olımpıadaǵa irikteý týrnırleriniń) nátıjeleri esepke alynady. Sondaı-aq, bul reıtıng 2022 jylǵy Olımpıada oıyndarynyń jerebesin anyqtaýǵa kómektesedi.
Shaıbaly hokkeıden erler arasyndaǵy reıtıngte Qazaqstan komandasy úsh satyǵa joǵarylap, 16-shy orynǵa turaqtady. Ulttyq qurama enshisinde 2420 upaı bar. Ókinishke qaraı, bizdiń komanda 2022 jylǵy Olımpıada oıyndaryna qatysý múmkindiginen aıyrylǵan bolatyn. Erler arasyndaǵy reıtıngte Kanada kósh bastap tur. Ekinshi orynda Reseı, úshinshi orynda Fınlıandııa quramalary ornalasqan. Al Qazaqstan áıelder komandasy eki satyǵa tómendep, 21-shi orynǵa syrǵydy.
Aıta ketelik, koronavırýs indetine baılanysty 2020 jylǵy álem chempıonaty ótpeıtin boldy. Osyǵan oraı, reıtıngte aıtarlyqtaı ózgeris jasalǵan joq.
