Hokkeı: Qazaqstan erler quramasy álem chempıonatyna baratyn hokkeıshiler tizimin jarııalady
ASTANA. KAZINFORM – Shaıbaly hokkeıden Qazaqstan ulttyq quramasy álem chempıonatyna baratyn oıynshylardyń naqty tizimin bekitti.
Otandastarymyz alǵashqy oqý-jattyǵý jıynyn 17 sáýirge deıin Astana qalasynda ótkizdi. Endi olar Belarýske attanyp, onda 26 sáýirge deıin daıyndyq júrgizedi. Onda jergilikti komandalarmen joldastyq kezdesý josparlanǵan.
Qazaqstan quramasy
Qaqpashylar: Nıkıta Boıarkın, Andreı Shýtov (ekeýi - «Barys»), Vladıslav Nýrek («Gornıak», Rýdnyı);
Qorǵaýshylar: Ádil Beketaev, Dmıtrıı Breýs, Samat Danııar (barlyǵy - «Barys»), Tamırlan Gaıtamırov, Artem Korolev, Beıbarys Orazov, Kırıll Nıkıtın (barlyǵy - «Nomad», Astana), Fedor Horoshev («Torpedo», Óskemen), Edýard Mıhaılov, Ivan Stepanenko (ekeýi - «Saryarqa», Qaraǵandy)
Shabýylshylar: Álıhan Ásetov, Dinmuhamed Qaıyrjan, Vsevolod Logvın, Álıhan Ómirbekov, Kırıll Panıýkov, Kırıll Savıtskıı, Semen Sımonov, Ansar Shaıhmeddenov (barlyǵy - «Barys»), Artýr Gatııatov, Saıan Danııar, Kırıll Lıapýnov, Abaı Mańǵysbaev, Batyrlan Mýratov, Roman Starchenko (barlyǵy - «Nomad», Astana), Arkadıı Shestakov («Admıral»).
Al 26 sáýirde otandastarymyz Polshaǵa jetip, qorytyndy oqý-jattyǵý jıynyn ótkizedi. Olar álem chempıonaty IA dıvızıonyndaǵy oıyndarynda sol eldiń Sosnovets qalasynda 2-9 mamyr aralyǵynda synǵa túsedi. Qarsylastary - Frantsııa, Ýkraına, Japonııa, Polsha jáne Lıtva.
Qazaqstan quramasynyń oıyn kestesi
2 mamyr. Lıtva - Qazaqstan
3 mamyr. Qazaqstan - Japonııa
5 mamyr. Qazaqstan - Polsha
7 mamyr. Ýkraına - Qazaqstan
8 mamyr. Qazaqstan - Frantsııa.
Atalǵan topta birinshi oryn alǵan qurama 2027 jyly elıtalyq dıvızıonda baq synaýǵa múmkindik alsa, sońǵy oryndy mise tutqan qurama V tobyna túsip qalady.
Aıta ketsek, shaıbaly hokkeıden Qazaqstan jasóspirimder quramasy búgin IA dıvızıondaǵy ekinshi oıynyn Polshaǵa qarsy ótkizedi.
