Hokkeı: Qazaqstan chempıonatynyń bastalý merzimi keıinge shegerildi
NUR-SULTAN. QazAqparat - Shaıbaly hokkeıden Qazaqstan chempıonatynyń bastalý merzimi keıinge shegerildi. Ol 12 qyrkúıekke belgilendi, dep habarlaıdy QazAqparat tilshisi Qazaqstan hokkeı federatsııasyna silteme jasap.
Búgin federatsııada Qazaqstan chempıonatyna qatysatyn klýb basshylarynyń onlaın májilisi ótti. Onyń qorytyndysy boıynsha klýb basshylary chempıonattyń bastalý merzimin 12 qyrkúıekke belgileý jóninde sheshimge keldi. Bul el aýmaǵynda karantın merziminiń sozylýyna baılanysty qabyldanyp otyr.
Budan buryn barlyq komanda aldyn ala jospar boıynsha oqý-jattyǵý jıynyn 3 tamyzda, al shaıbaly hokkeıden Qazaqstan chempıonatyn 26 tamyzda bastaýdy josparlaǵan bolatyn.
Sondaı-aq, «Barys» komandasynyń bapkerler quramy tolyq jasaqtaldy.
