Hokkeı: Qazaqstan chempıonatyna BAÁ komandasy qatysýy múmkin
NUR-SULTAN. QazAqparat - Aldaǵy kezeńde shaıbaly hokkeıden Qazaqstan chempıonatyna Birikken Arab Ámirliginiń komandasy qatysýy múmkin, dep habarlaıdy QazAqparat tilshisi Qazaqstan shaıbaly hokkeı federatsııasyna silteme jasap.
Komanda atalǵan memlekettiń Abý-Dabı qalasynyń atynan qatysady. Qazir komandanyń bıýdjeti men logıstıka máselesi talqylanýda.
Aldaǵy Qazaqstan chempıonaty 2020 jyldyń 25 tamyzy men 2021 jyldyń 25 sáýiri aralyǵynda ótkizý josparlanǵan. Al kýbok oıyndary bıylǵy jyldyń jeltoqsan aıynda ótkiziledi.
Bıyl Qazaqstan chempıonatynda on otandyq komanda men ózbekstandyq «Hýmo» komandasynyń farm-klýby baq synady.
Budan buryn koronavırýs qaýpiniń aldyn-alý maqsatynda shaıbaly hokkeıden QR chempıonaty jeńimpaz anyqtalmastan toqtatyldy.
