Hokkeı: Qazaqstan chempıonaty 26 tamyzda bastalady
NUR-SULTAN. QazAqparat - Shaıbaly hokkeıden Qazaqstan chempıonaty 26 tamyzda bastalady. Bul sheshim Qazaqstan hokkeı federatsııasynyń klýb basshylarymen ótken onlaın-jınalysynda keńinen talqylandy, dep habarlaıdy QazAqparat tilshisi.
Federatsııa elimizdegi epıdemıologııalyq jaǵdaıǵa baılanysty Qazaqstan birinshiligin ótkizýdiń ózge de joldaryn qarstyryp otyr. Qazir onyń úsh jobasy jasalǵan.
Qazaqstan kýbogy 2020 jyldyń jeltoqsan aıynda ótkiziledi dep josparlanýda. Onyń naqty merzimi men ótetin orny oǵan qatysýǵa nıet bildirgen komandalar ótinishine saı qarastyrylady.
«Al jastar lıgasy bıylǵy jyldyń qyrkúıek aıynda bastalýy tıis. Al qyzdar arasyndaǵy chempıonat qyrkúıek nemese qazan, naýryz nemese sáýir aılaryna belgilenetin úsh týr negizinde júrgiziledi», - dep jazylǵan federatsııa taratqan habarlamada.
Esterińizge sala ketelik, Qazaqstan chempıonatynyń 2019/20 jylǵy kezeńi koronavırýs pandemııasyna baılanysty naýryz aıynda toqtatylǵan. Nátıjesinde chempıonattyń bıylǵy jeńimpazy anyqtalǵan joq.
Budan buryn hokkeıden QR Prezıdenti Kýbogyna qatysatyn komandalar belgili boldy.
