Hokkeı: Qazaqstan Belarýsten jeńilip qaldy
ASTANA. QazAqparat - Shaıbaly hokkeıden Qazaqstan quramasy Birinshi arna kýbogynda alǵashqy oıynyn ótkizdi, dep habarlaıdy QazAqparat tilshisi.
Jarystyń alǵashqy kúninde qazaqstandyq hokkeıshiler Belarýs quramasymen kezdesti.
Oıyn barysynda qarsylastar sapynan Vladımır Alıstrov 3, 33, 58, Roman Gorbýnov 21-mınýttarda gol soqty. Oǵan qazaqstandyq Roman Starchenko 14-mınýtta bir golmen jaýap qaıyrdy.
Osylaısha Qazaqstan quramasy qarsylasyna 1:4 esebimen ese jiberdi.
Endi týrnır aıasynda 16 jeltoqsan kúni 3h3 hokkeı boıynsha ulttyq komandalar arasynda tarıhtaǵy alǵashqy halyqaralyq týrnır ótedi.
Oǵan Birinshi arna kýbogyna qatysýshy elder, sondaı-aq Qytaı quramasy qatysady.
Al 17 jeltoqsanda Reseı men Qazaqstan quramalary kezdesedi.
Atalǵan týrnır 15-18 jeltoqsan aralyǵynda ótkiziledi.
