Hokkeı: Qazaqstan áıelder quramasy býllıtte Ispanııadan jeńildi
NUR-SULTAN. QazAqparat - Shaıbaly hokkeıden Qazaqstan áıelder quramasy 2022 jylǵy Qysqy Olımpıadaǵa irikteý kezeńinde ekinshi kezdesýin Ispanııaǵa qarsy ótkizdi, dep habarlaıdy QazAqparat tilshisi.
Búgingi kezdesýde eki qurama tartysty oıyn ótkizdi.
Negizgi kezeńde quramalar 2:2 esebine qanaǵat bildirdi. Overtaımda da jeńimpaz anyqtalǵan joq.
Býllıtte ıspanııalyq hokkeıshilerdiń joly boldy.
Osylaısha qazaqstandyq hokkeıshi qyzdar qarsylasynan 2:3 esebimen jeńilip qaldy.
Budan buryn Qazaqstan quramasy Taıvandy 7:1 esebimen tize búktirgen bolatyn.
Qazaqstan áıelder quramasy buǵan deıin 2002 jyly synǵa tústi. A tobynda Kanada men Shvetsııadan - 0:7, Reseıden - 1:4 esebimen jeńildi.
Óz tobynda tórtinshi oryn alyp, 5-8 oryndar úshin sheberlik baıqasty. Onda Germanııadan 0:4, Qytaıdan 1:2 esebimen utylyp, segizinshi oryndy qanaǵat tutty.
Endi qazaqstandyq hokkeıshiler 10 qazanda Italııamen kezdesedi.
