«Men seni zeınetke shyǵaramyn»: Adames qazaqstandyq boksshyǵa jaýap berdi
ASTANA. KAZINFORM – Orta salmaqta WBC nusqasy boıynsha álem chempıony Karlos Adames dál osy salmaqta WBO jáne IBF belbeýleriniń ıegeri, qazaqstandyq kúrzi judyryq ıesi Jánibek Álimhanulynyń jekpe-jek ótkizý týraly usynysyna jaýap berdi.
Buǵan deıin Jánibek kelesi qarsylas retinde Karlos Adamesti tańdap, onymen aıqas ótkizgisi keletinin málimdegen bolatyn. Domınıkan Respýblıkasynyń boksshysy otandasymyzdyń bul úndeýine jaýap qatty.
– Jaı ǵana jekpe-jek uıymdastyrýda osynsha qıyndyq týyndaıtynyn buryn-sońdy bilmeppin. Men bul jekpe-jekti jyldar boıy kútip júrmin, Jánibekten basqa eshkim qajet emes dep aıtyp kelemin. Sondyqtan daıyndal. Eger bul kezdesý ótetin bolsa, men seni zeınetke shyǵaramyn, - dedi Karlos Adames áleýmettik jelidegi jazbasynda.
Eske sala keteıik, buǵan deıin qazaqstandyq boksshylar WBC uıymynyń gran-prı týrnırine qatysatynyn jazǵan edik.