HOKKEI: Qazaqstan ÁCh birinshi dıvızıony «V» tobynyń jeńimpazy atandy
ASTANA. QazAqparat - Qazaqstan quramasy jastar arasyndaǵy álem chempıonatynyń tórtinshi matchynda birinshi dıvızıonnyń «V» tobynda Vengrııany 3:1 esebimen utty, dep jazady Sports.kz.
Alǵashqy shaıbany b irinshi kezeńde qazaqstandyq Nıkıta Mıhaılıs soqty. Al ekinshi jıyrma mınýttyqta Danıel Sabo esepti teńestirdi. Oıynnyń sońǵy bóliginde Ivan Kınstler men Arkadıı Shestakov qazaqstandyqtardy alǵa shyǵardy.
Osylaısha, jerlesterimiz týrnırde tórtinshi jeńiske qol jetkizdi jáne 12 upaımen «A» tobynyń joldamasyn ıelenip, birinshi oryndy enshiledi.
20 jeltoqsanda Astana ýaqyty boıynsha saǵat 18:00-de qazaqstandyqtar polıaktarmen kezdesedi.
