Hokkeı: Kanada jastar quramasy 18 márte álem chempıony atandy
NUR-SULTAN. QazAqparat - Búgin Chehııada shaıbaly hokkeıden 20 jasqa deıingi jastar quramalary arasyndaǵy álem chempıonaty máresine jetti, dep habarlaıdy QazAqparat tilshisi.
Fınalda Reseı men Kanada jastar quramalary sheberlik baıqasty. Tartysty ótken kezdesýde Kanada quramasy Reseıdi 4:3 esebimen basym tústi. Osylaısha Kanada jastary óz tarıhynda 18 márte chempıondyq ataqqa qol jetkizdi.
Álem chempıonaty 1977 jyldan beri turaqty túrde uıymdastyrylyp keledi. Búgingi kúnge deıin 6 qurama chempıondyq ataqqa qol jetkizdi. Atap aıtqanda, Kanada - 17, Reseı (KSRO men TMD-ny qosa eseptegende) - 13, Fınlıandııa men AQSh - 4, Chehııa (Chehoslovakııany qosa eseptegende) - 3, Shvetsııa - 2 márte altyn medal aldy. Bizdiń qurama top-dıvızıonda 1999 jyly alǵashqy altylyqqa endi. Bul - búgingi kúnge deıingi eń joǵary kórsetkishi. Al 1997 jyly bizdiń jigitter jetinshi orynǵa ıe boldy.
Úshinshi oryn Shvetsııa jastaryna buıyrdy. Skandınavııalyq hokkeıshiler búgin Fınlıandııany 3:2 esebimen tize búktirdi.
Al qazaqstandyq hokkeıshiler jubanysh kezeńinde úsh kezdesýdiń ekeýinde Germanııa quramasyna ese jiberip qoıdy. Osylaısha birinshi dıvızıonǵa túsip qaldy.
