HOKKEI: Kanada quramasy Reseıdi tas-talqan etip utyp, álem chempıony atandy
ASTANA. QazAqparat - Chehııada ótken hokkeıden álem chempıonatynyń fınaldyq oıynynda Kanada quramasy reseılikterdi oısyrata utty - 6:1.
Birinshi kezeńde Reseı quramasynyń qaqpasyna jalǵyz shaıbany Kodı Ikın soqty.
Ekinshi kezeńde kanadalyqtar taǵy úsh shaıba engizdi. Olar Taıler Ennıs, Sıdnı Krosbı jáne Taıler Segınniń enshisinde.
Úshinshi kezeńde kanadalyq hokeıshiler taǵy eki ret sýyrylyp alǵa shyqty - Klod Jırý men Natan Makkınnon kózge tústi. Kanada qaqpashysy Smıt bir ǵana ret qapy qaldy. Reseı salǵan jalǵyz shaıbanyń avtory - Evgenıı Malkın. Osylaısha Kanada quramasy 25-shi ret álem chempıony ataǵyn jeńip aldy.
