Hokkeı: Kanada quramasy 27-márte álem chempıony atandy
NUR-SULTAN. QazAqparat - Shaıbaly hokkeıden álem chempıonatynyń elıtalyq dıvızıony máresine jetti, dep habarlaıdy QazAqparat tilshisi.
Fınalda Fınlıandııa men Kanada quramalary kezdesti.
Eske salsaq, 2019 jyly eki qurama fınalda jolyqqan edi.
Sol joly fınlıandııalyq hokkeıshilerdiń joly bolyp, óz tarıhynda úshinshi márte chempıondyq ataqqa qol jetkizdi.
Al byltyr dúnıe júzinde koronavırýs ınfektsııasyna baılanysty dúbirli doda bir jylǵa keıinge qaldyryldy.
Búgingi kezdesýde qos qurama bir-birine laıyqty deńgeıde qarsylyq tanytty.
Oıynnyń 8-mınýtynda fınlıandııadyq hokkeıshi Mıkael Rýohomaa mergendik kórsetse, 24-mınýtta kanadalyq Maks Komtýa kózdegen nysanadan múlt ketken joq.
Al 45-mınýtta Petterı Lındbom Fınlıandııa quramasy taǵy da alǵa shyǵardy. Kanadalyq Adam Henrık 52-mınýtta tarazy basyn teńestirip, oıyn overtaımǵa ulasty.
Oıynnyń 66-mınýtynda kanadalyq Nık Pol jeńis shaıbasyn soqty. Osylaısha Kanada óziniń tarıhynda 27 márte altynnan alqa taqty.
Budan buryn kanadalyq hokkeıshiler mundaı ataqqa 2016 jyly qol jetkizgen edi.
Aıta keteıik, búgin úshinshi oryn úshin saıysta AQSh quramasy Germanııadan 6:1 esebimen basym tústi.
Eske sala keteıik, 2022 jylǵy álem chempıonaty Fınlıandııada ótedi. Dúbirli doda 2022 jyly 13-29 mamyr aralyǵynda sol eldiń Helsınkı jáne Tampere qalalarynda ótkiziledi.
Onda barlyǵy 16 qurama baq synaıdy.
Aldaǵy jyly da bıyl synǵa túsken quramalar qatysady. Koronavırýs ınfektsııasyna baılanysty birinshi dıvızıondaǵy irikteý oıyndary ótkizilgen joq.
Sondyqtan bıyl álem chempıonatynyń elıtalyq dıvızıonda oınaǵan quramalar tolyqtaı ornyn saqtap qaldy.
