Hokkeı: K.Dallmen Qazaqstan quramasy sapynda olımpıadalyq irikteý týrnırine qatysýy múmkin
ASTANA. QazAqparat - Kevın Dallmen Qazaqstan quramasy sapynda olımpıadalyq irikteý týrnırine qatysýy múmkin. Búgin elordada ótken Qazaqstan hokkeı federatsııasy atqarýshy komıtetiniń qorytyndy otyrysy aıasynda BAQ ókilderine suhbat bergen el quramasynyń bas menedjeri Aleksandr Koreshkov osylaı dedi.
«Menińshe, maýsym bastalǵanǵa deıin komanda sapynan tabylady jáne olımpıadalyq irikteý týrnırinde bizdiń quramaǵa qosylatyn bolady», - dedi ol.
Sonymen qatar ol Reseıde ótken álem chempıonatynda Qazaqstan quramasy sapyndaǵy legıonerler úshtigi dál osy K.Dallmennyń bolmaýy sebepti durys oınaı almaǵandyǵyn basa aıtty.
Aıta keteıik, buǵan reıin K. Dallmen álem chempıonaty kezinde komanda sapynda bolmaýyn otbasylyq jaǵdaıyna baılanysty oryn alǵanyn aıtqan edi.
«Meniń bolmaýyma komandanyń jáne bas jattyqtyrýshy Andreı Nazarovtyń esh qatysy joq. Men komandadan jeke, otbasylyq jaǵdaıǵa baılanysty ketken edim. Men jankúıerlerimdi qapalandyrǵanym úshin ókinemin»,- degen edi K.Dallmen BAQ ókilderine.
