Hokkeı: Elordadaǵy halyqaralyq týrnırde Qazaqstan jeńimpaz atandy
NUR-SULTAN. QazAqparat - Búgin elordada shaıbaly hokkeıden Qazaqstan Hockey Open-2021 týrnıri máresine jetti. Bul oıynda Qazaqstan jáne Reseıdiń olıpıada quramasy kezdesti, dep habarlaıdy QazAqparat tilshisi.
Búgingi oıynda eki komanda týrnır jeńimpazyn anyqtaıtyn. Alǵashqy týrda Belarýs quramasyn Qazaqstan 5:2 esebimen jeńse , reseılikter 4:2 esebimen tize búktirdi .
Osylaısha Qazaqstan men Reseı hokkeıshileriniń jeńimpaz atanýǵa múmkindigi artty. Búgingi kezdesýde jeńiske jetkeni chempıondyq ataqqa qol jetkizetin.
Birinshi kezeńniń 13-mınýtynda qazaqstandyq Nıkıta Mıhaılıs mergendik tanytty.
Al ekinshi kezeńniń 25-mınýtynda reseılik Ilıa Morozov tarazy basyn teńestirdi.
Úshinshi kezeńniń 53-mınýtynda Nıkıta Mıhaılıs kezdesýdegi óziniń ekinshi shaıbasyn soqty.
Osylaısha Qazaqstan qarsylasyn 2:1 esebimen jeńip, týrnır jeńimpazy atandy.
Sondaı-aq, búgin Qazaqstannyń ekinshi quramasy Belarýspen kórneki match ótkizip, olardan 3:2 esebimen basym tústi.
Olardyń jeńisi eseptelmeıdi. Sebebi, qazaqstandyqtar týrnırge kórneki match ótkizý úshin qosylǵan.
