Hokkeı: Doýstyń dýbli «Barysty» jeńiske jeteledi
ASTANA. QazAqparat - Búgin astanalyq «Barys» klýby óz alańynda Chelıabi qalasynyń «Traktor» komandasyn qabyldap, pleı-offtyń kezekti matchyn ótkizdi, dep habarlaıdy QazAqparat tilshisi.
Bul oıynda tórt birdeı shaıba soǵyldy. Birinshi kezeńde «Traktordyń» hokkeıshileri bir shaıbamen alǵa shyqsa, ekinshi kezeńde «Barys» tarazy basyn teńestirdi. Astanalyq klýbtyń shabýylshysy Naıdjel Doýs komandanyń san jaǵynan basymdyǵyn paıdalanyp, qarsylastar qaqpasyna bir shaıba soqty. Al úshinshi kezeńniń basynda Doýs dýbldyń avtory atandy. Naıdjel bul shaıbany teń quramda soǵyp, óz komandasyn alǵa shyǵara bildi. Al oıynnyń sońynda «Traktordyń» bapkeri qaqpashyny alyp tastap, altynshy hokkeıshini shyǵaryp kórdi. Alaıda «Barys» osy múmkindikti paıdalanyp, taǵy bir shaıbany salyp ketti. Korrı Trıvıno bos turǵan qaqpaǵa úshinshi shaıbany toǵytty. Qorytyndy esep - 3:1.
Osymen jalpy esep 2:1 bolyp tur. Pleı-off erejelerine sáıkes, komandanyń bireýi tórt jeńiske jetýi tıis. Osy oıynnan keıin «Barystyń» qorjynynda eki jeńis bar.
