Hokkeı: búgin «Barystyń» qaqpasyn V.Eremeev qorǵaıdy
ASTANA. 10 tamyz. QazAqparat - Búgin shaıbaly hokkeıden Qazaqstan Respýblıkasy Prezıdentiniń kýbogy úshin halyqaralyq týrnırde «Barys» reseılik «ıÝgra» (Hanty-Mansıısk) komandasymen kúsh synasady. Bizdiń qaqpamyzdy Vıtalıı Eremeev qorǵaıdy.
Bul komanda keshe «Vıtıazden» (Podolsk) 3:0 bolyp utylǵan. Al «Barys» Habarovsk qalasynyń «Amýryn» 8:0 esebimen aıqyn basymdyqpen jeńgen bolatyn. Alaıda «Barys» komandasynyń bas bapkeri Arı-Pekka Selın qarsylastardyń bul jeńilisin joldan keıingi kúsh-qýattyń sarqylýymen baılanystyryp otyr. «Endi, «ıÝgramen» ótetin kezdesýde birqatar ózgerister bolady. Atap aıtqanda, bizdiń qaqpamyzdy tájirıbesi mol Vıtalıı Eremeev qorǵaıdy», - deıdi Arı-Pekka Selın.
Aıta keteıik, búgingi oıyn Astanadaǵy «Qazaqstan» sport saraıynda keshki saǵat 18:00-de bastalady. Ony «Qazsport» telearnasynan tikeleı efır arqyly kórýge bolady. Fınaldyq kezdesýler 13 tamyzda ótedi.
